Surah Al Hajj - سورہ حج
Audio
Important Notes
🍁30 March – class 7 – Surah Al Haj 🍁
Aaj ki tafseer class kay eham nukat
🔸Maarif ul Quran ka tarjuma Hazrat Shaikh ul hind Mehmood ul Hassan ra ka hay jo Dar ul Uloom Deoband kay sab sey pehlay shagird thay.
🔸Ye wo zamana tha jab musalmanun par mushkil tareen waqt tha. Unhun ney barr e sageer par 600 saal hukumat ki aur phir muthi bhar angraezun ko Allah taala ney itney barey bar e sageer par hukumat dey di. Iski wajah ye thi keh musalmanun ney aakhiri daur mein Allah ki neematun ki na qadri sharu kar di.
🔸 Hukumat hasil honey kay baad angraezun ney ulama ka bey baha qatal e aam kiya keh laakhun mei jo thay hazarun mei reh gaye. Jo bach gaye wo chup chupa kar apna kaam kartey. Dar ul ulooom Deoband ki bunyaad isi daur me dali gayi thi. Ye koyi naya firqah nahi jaisa ki aaj kal kuch naam nihaad media scholars mashoor kartey hain. Deoband bas is basti ka naam hay jahan deeni ulooom ki hifazat ki ye mehnat shuru hoi.
🔸 Social media par dou tarah kay clips hotey hain, aek qism par hum tawajah detey hain aur dusri par nahi detay. (1) Pehli qism jo ulama kay khilaaf jaati ho is ko hum bari sanjeedgi sey letay hain aur (2) ulama ki himayat waley messages ko hum sanjeedgi sey nahi letay. Ulama kay khilaaf baat par shaitaan bhi fa’aal kirdaar ada kar raha hota hay kyunki wo ulama ka khaas dushman hay. Hamara dil chunkeh bimaar hota hay aur nafs bigra howa hota hay. Isliye nafs aur shaitaan donun is kaam mei mil jatey hain.
🔸 Social media par hum har cheez suntey hain aur apni naaqis aqal ko aql e kul samjh kar sahi aur galat ka faislah karna sharu kar detay hain, halankeh Sahi aur galat ka faislah daleel ki bunyaad par hota hay aur daleel ilm sey hasil hoti hay.
🔸Allah kufaar kay marz ko barha deta hay, ye unki dunyawi saza hoti hay. Ruhaani marz hukmun ki nafarmaani sey paida hota hay. Hukm teen zara’eh sey aatey hain (1) Allah (2) Rasool (3) اویل االمر منکم۔
🔸Allah aur Rasool ki ita’at karney aur Allah ki aayaat par ghaur o tafakur karney waley ko Allah taala in’aam kay taur par ilm ata farmatey hain. Kyunke us ney Rasoolun kay saamney apney nafs ko dabaya, apni aqal ko aql e kul nahi samjha, tawajah sey baetha aur baat suni. Jab Quran ki aayatein is kay saamney paesh ki jaati hain tou iska dil narm par jaata hay aur iska yaqeen mazeed barh jata hay.
🔸 Tauba kay darjey: (1) Aa’la sat’he ki tauba yaney kufr wa shirk sey taubah, aur Naseh kay samney zid wa hat dharmi sey tauba. (2) Un buray aamaal sey tauba jin ka insaan aadi ho chuka hota hay. Ye tafseeli tauba hoti hay.
🔸 Isi tarah dil kay mareez ko achchi batoon sey nuqsaan isi liye ho raha hota hay kyuki us ney Naseh ki na sunney ki thani hoi hoti hay. Wo aqli taur par is sey tauba kar ley tou aek barhi kali teh us kay dil par sey utar jati hay. Ab naseehat ka asar us kay dil par hona shuru ho jata hay aur dil aahistah aahistah pura sehat mand ho jata hay.
🔸Kafir kay dil mai bhi Allah taala ki muhabbat hoti hay lekin wo apni sharayit par Allah taala sey muhabbat karna chahta hay jab keh mumin Allah kay Rasool kay bataye howay tareeqey par Allah sey muhabbat karta hay.
🔸Tauba kar ney kay baad dobarah gunah mei mubtila honey ka kya matlab hay? Is mei dou ehtimaal hain. (1) Tauba ki sharayit puri hi nahi ki theen is
liye tauba howi hi nahi thi. (2)Taubatun nasoohah kar li thi lekin ilm wa maa’rifat ki kami ki wajah sey tauba par istiqamat nahi rehti. Gunahun sey jitni shadeed nafrat ki zaroorat thi utni nafrat nahi. Is liye gunahun kay nuqsanaat ka ilm bhi eham hay.
🔸Shara’it e taubah
(1) Gunahun par nadamat- yaney mein ney bohat bura kiya jo gunah kiye.
(2) Allah kay saath ehad keh aa’indah gunah nahi karunga.
(3)Tauba par qa’im rehney kay liye koyi qadam uthana jaisey jo dost gunah ka sabab ban rahey thay un sey dur hona sharu kar dena aur naekun ki suhbat mei jana sharu kar dena.
🔸Insaan ka nafs in teenun sharayit kay saath tauba karney sey lawwamah ban jata hay. Mumin ki mehnat ye hay keh is nafs e lawwamah ko nafs e mutmainah ki halat par ley jaye.
🔸 Kuch laug shaitaan kay yarghamaal baney hotey thay aur is ki wajah sey wo Allah kay Rasoolun sey behas kartey thay aur ye koyi nayi baat nhi thi. Jab bhi kisi Rasool ney Allah ki aayaat parh kar sunayeen shaitaan ney ruhani marz mei mubtila laugun kay dilun mei aayaat kay barey mei shubhaat daley.
🔸Shaitaan tableeg ki mehnat kay darmiyan itna zyadah mulawis rehtay hain. Isi liye aaj dunya mei bohat sey laug naseehat ki baat par fazool mei aitiraaz kartey hain aur khud ko sab sey zyadah aqalmand samjhtey hain.
🔸Waswasum ko zehn mei rehnay nahi dey saktey. Agar ye nikalney ka naam nahi ley rahey tou kisi Allah waley sey ta’alluq bana lein jisey Shaikh kaha jata hay jin ki madad sey in sey peecha churaya jasakay. Warna waswasey barhey ho kar ghamraatish shayateen ban jatey hain aur phir ye baqaidah zabardasti gunah ka kaam karwaney ka sabab ban jaatey hain.
Recording link:
🍁 ۳۰ مارچ ٢٠٢۳ – کلاس ۷ – سورت الحج 🍁
آج کی تفسیر کلاس کے اہم نکات
🔸معارف القرآن کا ترجمہ حضرت شیخ الہند محمود الحسن رح کا ہے جو دارالعلوم دیوبند کے سب سے پہلے شاگرد تھے۔
🔸 یہ وہ زمانہ تھا جب مسلمانوں پر مشکل ترین وقت تھا۔ انہوں نے برصغیر پر چھ سو سال حکومت کی اور پھر مٹھی بھر انگریزوں کو اللہ تعالی نے اتنے بڑے برصغیر پر حکومت دے دی۔ اس کی وجہ یہ تھی کہ مسلمانوں نے آخری دور میں اللہ کی نعمتوں کی ناقدری شروع کردی۔
🔸حکومت حاصل ہونے کے بعد انگریزوں نے علماء کا بے بہا قتل عام کیا کہ لاکھوں میں جو تھے ہزاروں میں رہ گئے۔ جو بچ گئے وہ چھپ چھپا کر اپنا کام کرتے۔ دارالعلوم دیوبند کی بنیاد اسی دور میں ڈالی گئی تھی۔ یہ کوئی نیا فرقہ نہیں تھا جیسا کہ آج کل کچھ نام نہاد میڈیا اسکالرز مشہور کرتے ہیں۔ دیوبند بس اس بستی کا نام ہے جہاں دینی علوم کی حفاظت کی یہ محنت شروع ہوئی۔
🔸سوشل میڈیا میں دو طرح کے کلپس ہوتے ہیں، ایک قسم پر ہم توجہ دیتے ہیں اور دوسری پر نہیں دیتے۔ (۱) پہلی قسم جو علماء کے خلاف جاتی ہو اس کو ہم بڑی سنجیدگی سے لیتے ہیں اور (۲) علماء کی حمایت والے میسج، کو ہم سنجیدگی سے نہیں لیتے۔ علماء کے خلاف بات پر شیطان بھی فعال کردار ادا کر رہا ہوتا ہے کیونکہ وہ علماء کا خاص دشمن ہے۔ ہمارا دل چونکہ بیمار ہوتا ہے اور نفس بگڑا ہوا ہوتا ہے۔ اس لیے نفس اور شیطان دونوں اس کام میں مل جاتے ہیں۔
🔸سوشل میڈیا پر ہم ہر چیز سنتے ہیں اور اپنی ناقص عقل کو عقل کل سمجھ کر صحیح اور غلط کا فیصلہ کرنا شروع کر دیتے ہیں حالانکہ صحیح اور غلط کا فیصلہ دلیل کی بنیاد پر ہوتا ہے اور دلیل علم سے حاصل ہوتی ہے۔
🔸اللہ کفار کے مرض کو بڑھا دیتا ہے، یہ انکی دنیاوی سزا ہوتی ہے۔ روحانی مرض حکموں کی نافرمانی سے پیدا ہوتا ہے۔ حکم تین ذرائع سے آتے ہیں (۱) اللہ (۲) رسول (۳) اولی الامر منکم۔
🔸اللہ اور رسول کی اطاعت کرنے اور اللہ کی آیات پر غور و تفکر کرنے والے کو اللہ تعالیٰ انعام کے طور پر علم عطا فرماتے ہیں۔ کیونکہ اس نے رسولوں کے سامنے اپنے نفس کو دبایا، اپنی عقل کو عقل کل نہیں سمجھا، توجہ سے بیٹھا اور بات سنی۔ جب قرآن کی آیتیں اس کے سامنے پیش کی جاتی ہیں تو اس کا دل نرم پڑ جاتا ہے اور اس کا یقین مزید بڑھ جاتا ہے۔
🔸توبہ کے درجے: (۱) اعلی سطح کی توبہ یعنی کفر و شرک، ناصح کے سامنے ضد و ہٹ دھرمی سے توبہ (٢) ان برے اعمال سے توبہ جن کا انسان عادی ہو چکا ہوتا ہے۔ یہ تفصیلی توبہ ہوتی ہے۔
🔸اسی طرح دل کے مریض کو اچھی باتوں سے نقصان اس لئے ہورہا ہوتا ہے کیونکہ اس نے ناصح کی نہ سننے کی ٹھانی ہوئی ہوتی ہے۔ وہ عقلی طور پر اس سے توبہ کرلے تو ایک بڑی کالی تہ اس کے دل پر سے اترجاتی ہے۔ اب نصیحت کا اثر اس کے دل پر ہونا شروع ہوجاتا ہے اور دل آہستہ آہستہ پورا صحت مند ہوجاتا ہے۔
🔸کافر کے دل میں بھی اللہ تعالیٰ کی محبت ہوتی ہے لیکن وہ اپنی شرائط پر اللہ تعالیٰ سے محبت کرنا چاہتا ہے جب کہ مومن اللہ کے رسول کے بتائی ہوئے طریقے پر اللہ سے محبت کرتا ہے۔
🔸توبہ کرنے کے بعد دوبارہ گناہ میں مبتلا ہونے کا کیا مطلب ہے؟
اس میں دو احتمال ہیں (۱) توبہ کی شرائط پوری ہی نہیں کی تھیں اس لئے توبہ ہوئی ہی نہیں تھی
(۲) توبة النصوحہ کرلی تھی لیکن علم و معارفت کی کمی کی وجہ سے توبہ پر استقامت نہیں رہتی۔ گناہوں سے جتنی شدید نفرت کی ضرورت تھی اتنی نفرت نہیں۔ اس لئے گناہوں کے نقصانات کا علم بھی اہم ہے۔
🔸شرائطِ توبہ
(۱) گناہ پر ندامت۔ یعنی میں نے بہت برا کیا جو گناہ کئے۔
(۲) اللہ کے ساتھ عہد کہ آئندہ گناہ نہیں کرونگا۔
(۳) توبہ پر قائم رہنے کے لئے کوئی قدم اٹھانا جیسے جو دوست گناہ کا سبب بن رہے تھے ان سے دور ہونا شروع کردینا اور نیکوں کی صحبت میں جانا شروع کر دینا۔
🔸انسان کا نفس ان تینوں شرائط کے ساتھ توبہ کرنے سے نفس لوامہ بن جاتا ہے۔ مومن کی محنت یہ ہے کہ اس نفس لوامہ کو نفس مطمئنہ کی حالت پر لے جائے۔
🔸کچھ لوگ شیطان کے یرغمال بنے ہوتے تھے اور اس کی وجہ سے وہ اللہ کے رسولوں سے بحث کرتے تھے اور یہ کوئی نئی بات نہیں تھی۔ جب بھی کسی رسول نے اللہ کی آیات پڑھ کر سنائیں شیطان نے روحانی مرض میں مبتلاء لوگوں کے دلوں میں آیات کے بارے میں شبہات ڈالے۔
🔸شیطان تبلیغ کی محنت کے درمیان اتنا زیادہ ملوث رہتے ہیں۔ اسی لئے آج بھی دنیا میں بہت سے لوگ نصیحت کی بات پر فضول میں اعتراض کرتے ہیں اور خود کو سب سے زیادہ عقلمند سمجھتے ہیں۔
🔸وسوسوں کو ذہن میں رہنے نہیں دے سکتے۔ اگر یہ نکلنے کا نام نہیں لے رہے تو کسی اللہ والے سے تعلق بنا لیں جسے شیخ کہا جاتا ہے جن کی مدد سے ان سے پیچھے چھڑایا جاسکے۔ ورنہ وسوسے بڑے ہو کر غمرات الشیاطین بن جاتے ہیں اور پھر یہ باقاعدہ زبردستی گناہ کا کام کروانے کا سبب بن جاتے ہیں۔